Gamla góða mandarínuostakakan hefur fengið ferska yfirhalningu og mætir nú til leiks í nýjum búningi með bragðmeiri botni, litríkum umbúðum og nýrri stærð.

Kakan samanstendur af nýjum og bragðmiklum kexbotni, ómótstæðilegri ostakökufyllingu og frískandi mandarínuþekju sem setur punktinn yfir i-ið. Útkoman er ljúffeng blanda af sætu, ferskleika og góðu biti í botninum.

Nýju umbúðirnar eru litríkar og líflegar og gefa góða vísbendingu um það sem bíður innan þeirra.

Um leið hefur kakan farið úr 600 g í 450 g og er hér komin þægileg stærð sem hentar vel á eftirréttaborðið, í kaffiboðið eða einfaldlega þegar löngunin í eitthvað gott gerir vart við sig.

Við vildum gefa þessari vinsælu köku smá upplyftingu án þess að missa það sem fólk kann að meta við hana. Það besta er svo að undirbúningurinn gæti varla verið einfaldari.

Mandarínuostakakan er tilbúin til að njóta eins og hún er, en fyrir þau sem vilja gera aðeins meira úr stundinni er þeyttur rjómi með einstaklega góð hugmynd.

Nýr búningur, ný stærð og enn meiri ástæða til að fá sér sneið.

Mandarínuostakakan mætir í nýjum búningi

Eftir ótal fyrirspurnir og mikla eftirvæntingu er gaman að segja frá því að Engjaþykkni með Nóa smá Kroppi snýr aftur. Þegar varan kom fyrst á markað sló hún rækilega í gegn og seldist upp á mettíma. Síðan þá hafa óskirnar um endurkomu hennar reglulega borist til bæði MS og Nóa Síríus og nú er biðin á enda.

Engjaþykkni með Nóa smá Kroppi sameinar dúnmjúka vanillujógúrt og stökkar súkkulaði kornkúlur sem skapa skemmtilega áferð og einstaklega ljúffengt bragð. Samstarf tveggja rótgróinna íslenskra vörumerkja vakti mikla lukku þegar varan kom fyrst á markað fyrir tveimur árum og því er sérstaklega ánægjulegt að geta boðið landsmönnum upp á þessa vinsælu vöru á ný.

Engjaþykkni með Nóa smá kroppi verður fáanlegt um land allt í takmarkaðan tíma. Þeir sem misstu af henni síðast – eða vilja einfaldlega upplifa bragðið aftur – ættu því ekki að láta þetta tækifæri fram hjá sér fara.

Vinsæla Engjaþykknið með Nóa smá Kroppi snýr aftur.

Ísey skyr heldur áfram að gleðja skyrunnendur landsins og sækir nú innblástur í væntanlegan sólmyrkva á Íslandi sem beðið er með mikilli eftirvæntingu. Almyrkvi á sólu er sjaldgæf sjón og einstök upplifun og sameinar nýtt Ísey skyr því íslenska matarhefð og spennandi bragðupplifun.

Við vildum gera eitthvað sem fangar bæði íslenska matarhefð og þá dulúð sem fylgir sólmyrkva og úr varð þessi spennandi bragðupplifun. Sólmyrkvaskyrið er með einstöku kexbragði sem margir þekkja sem cookies and cream og óvenjulegur litur skyrsins skapar sjónræna upplifun á sama tíma.

Sólmyrkvaskyrið er framleitt í takmörkuðu magni fram að sólmyrkvanum og er ætlað að höfða bæði til Íslendinga og ferðamanna sem vilja smakka eitthvað einstakt frá Íslandi. Umbúðirnar eru hannaðar sérstaklega með sólmyrkvaþema í huga þar sem gylltur hringur sólarmyrkvans umvefur Ísey skyr og ætti dósin því ekki að fara framhjá neinum.

Nældu þér í nýtt Sólmyrkvaskyr sem kemur í verslanir um miðjan júlí.

Sólmyrkva fagnað með nýju Ísey skyri 

Ísey skyr Púff hefur notið mikilla vinsælda síðustu ár enda bæði létt og loftkennt og einstaklega bragðgott.

Púff er unnið með sérstakri framleiðsluaðferð þar sem lofti er dælt í skyrið svo það blæs upp og áferðin verður þannig frábrugðin þeirri á hefðbundnu skyri og kemur skemmtilega á óvart.

Tvær nýjar bragðtegundir koma nú á markað á sama tíma og ættu skyrunnendur um land allt því að setja sig í startholurnar.

Það er einstaklega ánægjulegt að geta boðið upp á tvær spennandi nýjungar nú í sumar en annars vegar er það Ísey skyr Púff með kirsuberjum og súkkulaði og hins vegar Ísey skyr Púff með ástaraldinum.

Báðar tegundir eiga það sameiginlegt að vera bæði léttar í munni og maga en eins og annað Ísey skyr eru þessar nýjungar laktósalausar.

Ísey skyr Púff hentar fullkomlega sem nesti, millimál eða létt kvöldsnarl og svo má mylja yfir dósina gott kex til að búa til einfaldan og sniðugan sumareftirrétt eða nota sem fyllingu í ljúffenga tertu. Við mælum með að skyrunnendur prófi þessar bragðgóðu nýjungar og njóti hvar sem er og hvenær sem er.

Ísey skyr kynnir sumarlegar og seiðandi nýjungar

Nú er kom­in á markað ný og spenn­andi sér­út­gáfa af KEA skyri sem verður aðeins á markaði í tak­markaðan tíma. Nýtt KEA skyr með hindberjum og panna cotta er líkt og aðrar KEA skyr bragðteg­und­ir prótein­ríkt, laktósalaust og ein­stak­lega bragðgott.

Sér­út­gáf­urn­ar okk­ar vekja alltaf mikla lukku enda Íslendingar upp til hópa nýjungagjarnir og miklir skyrunnendur og höfum við lagt mikla áherslu á að setja reglulega á markað nýj­ar og spenn­andi bragðteg­und­ir. Nýja sérútgáfan með hindberja panna cotta sameinar hefðbundið hindberjabragð og klassíska eftirréttinn panna cotta svo úr verður himnesk blanda.

Við erum þess fullviss að nýja skyrið muni slá í gegn þar sem áferðin er bæði silkimjúk og rjómakennd og gott jafnvægi í bragðinu og vonum að landsmenn næli sér í eina dós eða tvær þegar skyrið lendir í verslunum.

Himneskt KEA skyr með hindberja panna cotta

Ostakökurnar frá MS hafa notið mikilla vinsælda undanfarin ár og er því alltaf gaman þegar nýjar kökur líta dagsins ljós.

Mokka ostakaka er nýjasta viðbótin í vörulínunni en þar mætir bragðmikill kexbotn silkimjúkri og ómótstæðilegri ostakökufyllingu með mokkabragði og nokkuð víst að þessi mun slá í gegn í næsta saumaklúbbi, matarboði eða afmæli.

Þessi ljúffenga kaka er á leiðinni í verslanir á næstu dögum svo ostakökuunnendur þurfa ekki að bíða of lengi eftir að smakka.

Auglýsingastofan Hvíta húsið fékk það skemmtilega hlutverk að hanna útlitið á nýju ostakökunni og var það myndlistarkonan Salvör Sólnes sem á heiðurinn að nýju umbúðunum.

Verk Salvavar vinna með samspil lífrænna efna úr ýmsum áttum og notaði hún kaffi við skissu- og hugmyndavinnu og óhætt að segja að útkoman sé sannkallað listaverk.

Ekki flækja hlutina þegar þú þarft þess ekki og veldu þér einfaldan og bragðgóðan eftirrétt á borð við ljúffenga Mokka ostaköku, þegar þú vilt gera vel við þig og þína.

Meiriháttar Mokka ostakaka sem bráðnar í munni

1. júní ár hvert er Alþjóðlegi mjólkurdagurinn haldinn hátíðlegur víða um heim og við í Mjólkursamsölunni gleðjumst yfir því að fagna deginum með íslenskum kúabændum og mjólkurunnendum.

Alþjóðlegi mjólkurdagurinn var settur á laggirnar af Matvæla- og landbúnaðarstofnun Sameinuðu þjóðanna (FAO) árið 2001 með það að markmiði að vekja athygli á mikilvægi mjólkur og mjólkurframleiðslu í matvælakerfum heimsins, bæði út frá næringu, samfélagi og efnahag.

Mjólk er meðal næringarríkustu matvæla sem völ er á og inniheldur fjölmörg næringarefni sem líkaminn þarf á að halda. Hún er góð uppspretta próteina, kalks, B-vítamína og fleiri mikilvægra vítamína og steinefna sem gegna mikilvægu hlutverki fyrir vöxt, beinheilsu og almenna vellíðan. Kalk úr mjólkurvörum nýtist líkamanum vel og því eru mjólkurvörur einn besti kalkgjafi sem völ er á.

Við hjá Mjólkursamsölunni erum afar stolt af eigendum okkar, kúabændum og fjölskyldum þeirra um land allt, sem með metnaði og alúð færa landsmönnum holla, hreina, næringarríka og bragðgóða íslenska mjólk alla daga ársins.

Á þessum degi viljum við einnig minna á mikilvægi íslenskrar matvælaframleiðslu og þess öryggis, gæða og þekkingar sem býr að baki hverju glasi af mjólk.

Við óskum kúabændum og öllum mjólkurunnendum innilega til hamingju með Alþjóðlega mjólkurdaginn.

Kaffiþyrstir Hleðsluunnendur geta tekið gleði sína á ný því Hleðsla próteinkaffi er á leiðinni aftur í verslanir og nú í 250 ml umbúðum. Hleðsla próteinkaffi er próteinríkur kaffidrykkur úr íslenskri mjólk og kaldbrugguðu kaffi. Kaffið er malað úr 100% Arabica baunum frá Eþíópíu og inniheldur ein ferna 22 g prótein og 70 mg koffín. Saman mynda kaffið og próteinrík íslensk mjólkin silkimjúka og bragðmilda kaffiblöndu sem kemur skemmtilega á óvart.

Við höldum áfram að færa Hleðsluunnendum okkar nýjungar og eftir frábærar viðtökur á Hleðslu með jarðarberjum og vanillu og nú síðast Hleðslu próteinskyri, er afar ánægjulegt að geta boðið upp á Hleðslu með kaffi á ný. Hleðsla próteinkaffi inniheldur ekki kaffibragðefni, heldur alvöru kaldbruggað kaffi (e. cold brew coffee) og koffín sem samsvarar tæplega einum kaffibolla.

Hér er á ferðinni frábær kaffi- og próteindrykkur sem enginn Hleðslu- eða kaffiunnandi má missa af.

Hækkun á lágmarksverði mjólkur til bænda

Kotasæla passar með öllum mat enda ferskur bragðmildur ostur með léttsýrðu rjómakenndu bragði. Hún er próteinrík, fitulítil og inniheldur meðal annars  B12 vítamín.   Kotasælu má njóta með góðri samvisku enda er hún sívinsæl hjá þeim sem huga vel að heilsunni og mataræði. 

Matur sem parast einstaklega vel með Kotasælu

í túnfisksalat í jöfn hlutfalli við sýrðan rjóma, eða ein og sér

í ýmis salöt, s.s. með káli, agúrkum, avokadó, tómötum og lauk

ídýfa, maukaðu Kotasæluna með töfrasprota og kryddaðu með uppáhaldskryddunum þínum

Girnilegar og fjölbreyttar uppskriftir sem innihalda rjómakennda Kotasælu, allar afskaplega einfaldar og fljótlegar. 

Um MS

Mannauður

Uppruni

Vöruflokkar

Vörumerki

Samfélagsleg ábyrgð

Hollusta mjólkurvara

Kotasæla - fersk og próteinrík

Uppskriftir með Kotasælu

Tengdar vörur