Jólamjólkin er komin til byggða

Það vekur jafnan mikla lukku þegar mjólkin frá MS fer í jólabúning og er því gaman að segja frá því að jólamjólkin er komin til byggða. Fernurnar prýða stórskemmtilegar jólasveinateikningarnar Stephens Fairbairn myndlistarmanns og á einni hlið fernanna má nú finna skemmtilegar jólaþrautir sem munu vonandi gleðja unga sem aldna.

Á mörgum heimilum er vinsælt að klippa jólasveinana út og nota í föndur í aðdraganda hátíðanna en myndirnar af sveinunum góðu er líka að finna á vefnum jolamjolk.is. Á vefnum má jafnframt finna litabók sem hægt er að prenta út og þann 1. desember hefst árleg jólagetraun þar sem heppnir þátttakendur geta unnið til skemmtilegra verðlauna.